/ᑎᒥᐊᕈᖁᑎᕗᑦ
ᑎᒥᐊᕈᖁᑎᕗᑦ 2018-05-24T02:10:37+00:00

ᑎᒥᐊᕈᖁᑎᕗᑦ

ᓄᕝᕕᑎᒃᑯᑦ ᑲᒪᒋᔭᖃᓲᖑᕗᑦ ᑎᒥᐊᕈᐃᑦ ᑲᒻᐸᓂᖁᑎᖏᓐᓂᒃ ᓇᒻᒥᓂᕆᔭᐅᔪᓂᒃ ᒪᑭᕝᕕᒃ ᑯᐊᐳᕇᓴᕐᒧᑦ. ᑕᒪᒃᑯᐊ ᐃᓚᖃᕐᒪᑕ ᐃᖏᕐᕋᐅᑎᓕᕆᐅᑎᓂᒃ – ᖃᖓᑕᔪᒃᑯᓗ ᐃᒪᒃᑯᓗ – ᓴᓇᔨᐅᓂᕐᒥᒃ, ᐅᕐᓱᐊᓗᓐᓂᐊᑎᐅᓂᕐᒥᒃ ᐊᒻᒪᓗ ᐊᑦᑕᑐᕐᑎᓯᔨᐅᓂᕐᒥᒃ, ᓄᑕᐅᓯᓕᕈᓐᓇᑐᓂᒃ ᐃᑯᒪᓕᕆᔨᐅᓂᕐᒥᒃ ᐊᒻᒪᓗ ᖃᕆᑕᐅᔭᒃᑯᑦ ᓄᓇᖕᖑᐊᓕᐅᕐᓂᒥᒃ.

ᐃᓄᐃᑦ ᖃᖓᑦᑕᔫᖏᑦ ᐃᑭᒪᑎᑦᓯᓲᖑᕗᑦ ᐅᓯᔭᐅᑎᑦᓯᓱᑎᓪᓗ ᐅᐃᒪᓇᕐᑐᓂᓪᓗ ᖃᖓᑦᑕᔫᒃᑯᑦ ᐱᒍᑦᔨᓂᖃᕐᓱᑎᒃ ᓄᓇᕕᒻᒥᐅᓂᒃ – ᖃᐅᑕᒫᑦᓯᐊᖅ ᐊᕐᕌᒍᓕᒫᑦᓯᐊᒥᓪᓗ 40 ᐅᖓᑖᓄᕐᑐᓂᒃ ᐊᕐᕌᒍᓯᒪᓕᕐᑐᓂᒃ. ᑖᓐᓇ ᖃᖓᑦᑕᔫᓕᕆᔨᐅᔪᖅ ᖃᖓᑕᓯᒪᓂᖃᓕᕐᑐᖅ 750,000-ᓂᒃ ᑫᕙᓪᓚᒍᓯᕐᓂᒃ ᐃᑭᒪᕕᐅᓯᒪᓕᕐᓱᓂᓗ 2 ᒥᓕᐊᓐ ᐅᖓᑖᓄᕐᑐᓂᒃ ᐃᓄᓐᓂᒃ ᑕᒫᓂ ᓄᓇᒥ ᓯᓚᑎᒍᑦ ᓵᖕᖓᒐᓱᐊᒻᒪᕆᒋᐊᖃᕐᓇᓲᒦᑦᓱᑎᒃ.

ᕘᔅᑦ ᐃᐊᒃᑯᑦ ᐱᒍᑦᔨᓲᖑᕗᑦ ᐃᑭᒪᑎᑦᓯᔨᐅᑦᓱᑎᒃ ᐃᓄᓐᓂᒃ ᓱᓇᒐᓚᓐᓂᓗ ᐅᓯᔨᐅᑦᓱᑎᒃ ᑕᕐᕋᒥᐅᑦ ᓄᓇᓕᖏᓐᓄᑦ ᐅᓄᕐᓂᓴᓄᑦ ᑲᓇᑕᒥ. ᑕᒪᒃᑯᐊᓗ ᖃᐅᑕᒫᕐᑕᐅᑎᕗᑦ ᐱᒍᑦᔨᓂᒃᑯᑦ 250,000-ᒐᓚᓐᓄᑦ ᐃᑭᒪᕕᐅᓲᖑᑦᓱᑎᒃ 22 ᒥᓕᐊᓂᒃ ᐅᖁᒣᓐᓂᓕᓐᓂᒃ ᐅᓯᖃᑦᑕᕙᑦᓱᑎᒃ ᐊᓪᓚᑖᕐᕕᑯᕐᑐᓂᓪᓗ ᑕᒫᓂ ᓄᓇᕐᔪᐊᑎᒍᑦ ᐃᖏᕐᕋᕕᒋᓲᖓᑎᒍᑦ, ᑖᓐᓇ ᐱᑐᕝᕕᐅᓯᒪᓲᖑᒻᒪᑦ 32-ᓄᑦ ᑕᕐᕋᒥᐅᑦ ᓄᓇᓕᖏᓐᓄᑦ ᑐᖕᖓᕕᖃᓗᐊᖑᐊᓲᖑᔪᓂᒃ ᐊᑐᕚᒥᓗ, ᒪᓐᑐᔨᐊᒥᓗ ᐊᒻᒪᓗ ᐃᐊᑦᒪᓐᑕᓐᒥ.